Viking維京的生活: 620再上華德艇同細鱗說, "黯然"要轉名叫"紅鱸然"

日期: 6月20日
釣點: 9號碼頭一帶
艇家：619釣魚深究訓練班的大佬- 華德法師

釣具：清一式都係手絲
釣友: 新釣友呀麒(Jason), , 呀Ken(梁友), 烈哥, (紅鱸)然兄, 同小弟維京
放生: 拉唔上艇條魚同細鱗.

上完619釣魚深究訓練班, 居士直上澳頭聖地釣鱲, Sam兄就應該要回歸公司. 我呢? 最近好清閒係到修煉釣魚深究訓練班之技巧.

呀然真係唔話得係好朋友, 知道我係到修煉釣魚深究技巧. 佢第一時間話深究不如實訓, 而且已經安排阿烈哥同呀Ken落艇, 大哥有好釣友落艇甚麼都不用說馬上準備出發.

去到碼頭見到新釣友呀麒同呀然, 一定要吹返二句唄. Ken佬唔知甚麼事一路係到用電話? 見到烈哥人齊不過有時間, 佢就馬上去咗買水, 烈哥真係唔話得, 到咗先唔洗我哋等要讚. 今日, 又係辛苦呀然先出錢出力同安排沙蝦釣餌.

跟住去到個位華德同呀然都話, 碼頭落艇好鬼濕滑大家小心d. 我哋一個一個落到艇由華德安排位置, 出發時有一小意外, 有位同好係岸上之魚絲, 不知如何鈎在華德艇上. 我見到馬上通知佢, 雖然華德馬上停機可惜同好之魚組已斷. 佢馬上向同好說對不起同行禮, 真係不只一次而係幾次, 岸上之同好雖然很唔開心, 但也很客氣地回禮. 同昨晚上釣魚深究訓練班我所見岸上鈎絲那一位真係相反, 佢只係魚絲鈎魚絲就發火同無禮要艇上放絲俾佢, 最後我連鈎組都要俾佢, 拉上艇又要解絲又要再用新釣組. 所以, 我要係到向今次岸上之同好行過禮, 你係一位好有禮之釣友!

去到釣位又見到朋友艇已經係到. 原來朋友艇有好朋友來訪, 所以我哋好明白去遠d釣. 好在d魚係個大海里游來游去, 大把地方你去釣, 唔一定時常係同一位釣魚. 而且,今日同艇友係唔怕打龜人仕, 所以呀然決定由華德去走位.

是日釣點天氣有雲水清可望到一二米深水里情況. 去到落餌烈哥開始發功, 真係功力深厚小弟又係到學咗二吓功夫. 俾華德發現咗我釣組不對, 叫我換釣組我又真係唔多聽話. 等一等先啦唔該, 我正係到學嘢嗎! 其實係又想佢過教我多d釣魚技巧. 望向呀Ken, 哦對不起你啦我昨晚打咗龜, 你坐係我旁邊就好難有運行! 呀然, 突然心血來潮面部表情告訴我, 下次你記得再來食我一定扯你上來. 明白啦! 到呀麒, 新來訪釣場一時間未能把握, 可能要d時間去了解同適認環境, 環境同時間一路係到改, 就算釣咗幾年都一樣, 下次就可能好d啊.

講講吓嘢, 到華德發功唔好講笑呀! 華德講烈哥攞撈基手法一流, 上來是火點唄唔係……, 就係呢一點讓各位釣友加深了解我短暫失憶証之情況, 多謝各位釣友一路提醒我佢係牙點, 這條才是火點. 又要感謝華德, 一路提點小弟釣魚技巧同魚種同另外一些水上家方式. 華德又發功一路上, 不過我哋一樣有得上有斤頭,磅頭, 也有兩頭.